PYDyî bi eşkerayîyêke vera eşkerayîyanê Serekwezîrê Herêma Kurdîstanê Federalî Mesrûr Barzanîyî nêrazîbîyayîşê xo mojna.

Eşkerayîye de ame parekerdene ke hetêkî ra dewleta tirke ya îşxalkere hêrişê Rojawan û Başûrî kena la hetê bînî ra Mesrûr Barzanî pê eşkerayîyanê xo xîret keno ke kerdişanê dewleta tirke meşrû bimojno.

PYDyî vat: ''Mesrûr Barzanî pê fekê dewleta tirke qisey keno. Ma eşkerayîyanê Mesrûr Barzanîyî dûştê menfaatanê kurdan vînenê û sey xizmetê îşxalkeran hesibnenê. PKKyî seba azadîya Îdareyê Xoserî yê DAÎŞî ra nêzdîyê 4 hezar şehîdî dayî. Şarê Rojawanî coka minetdarê ci yê. PKK partîyêka kurdîstanî ya û seba rûmet û estbîyayîşê kurdan têkoşîn kena.

Ganî ma wextê verênî ra, aqîbetê şîrikanê Osmanîyan û dewleta tirke ra ders bigêrê. Dewleta tirke ra dûrî vinderê. Ma Serekwezîrê Herêma Kurdîstanê Federalî Mesrûr Barzanîyî da ke 'meşrûkerdişê dewleta tirke' ra wa fek vera bido û 'verî ke erey bo' xo dewleta tirke ra dûrî bigêro. Wa xetayê tarîxîyî newe ra xo tekrar mekerê.''