10ê hezîrane de Temsîlkarê PDYyî yê Hewlêrî Mistefa Osman Xelîl, Temsîlkarê Îdareyê Xoserî Cîhad Hesen û Endamê PYDyî Mistefa Ezîz Mistê yê ke Hewlêr de şîyî vera meymananê xo ameyî remnayene û înan ra 21 rojî yo xebere nêna girewtene.

PYDyî Qamişlo de derheqê babete eşkerayîye daye. Vervata PYDyî Sema Begdaş û Hemserekê Ofîsê PYDyî Rohat Xelîl tewrê eşkerayîye bîyî.

Eşkerayîye de ame vîrvîstene ke 21 rojî yo temsîlkarê înanê ke Hewlêr de ameyî destbendkerdene ra xebere nêna girewtene û ame vatene ke eke çîyêk bêro sereyê temsîlkaranê Îdareyê Xoserî û PYDyî yê ke Başûrê Kurdîstanî de ameyî destsernayene ser nayî ra hukmatê Hewlêrî berpirsîyar o. Eşkerayîye de dîya zaneyene ke goreyê xeberanê ke înan girewtî embazê înan teslîmê hetanê ke dişmenîya kurdan kenê bîyî û ame vatene ke tepişteşê temsîlkanê înan vera partîye û cehdkerdişê yewîya neteweyîye yê înan hêriş o. PYDyî veng da ke wa embezê înan cade bêrê veradayene û vat îqtîdarê Hewlêrî bi nê kerdişanê xo hêrişê îşxalî yê dewleta tirke yê vera dewaya kurdan rehetêr keno.