Partîyanê Yewîya Neteweyî ya Kurdan (PYNK) raporê Neteweyan ê Yewbîyayeyan ê derheqê sûcanê dewleta tirke ya îşxalkere de bi eşkerayîyêke ercna.

Eşkerayîya PYNKyî wina ya: ''Rapor de sûcê komanê terorîstan ê Îtîlafê Sûrîye û dewleta tirke yê ke Efrîn, Serêkanîyê û Girê Sipî de kenê, ameyî eşkerakerdene.

Ma nê raporî sey beşêkê qijkekî yê sûcanê dewleta tirke qebul kenê û raor musbet vînenê. 

Hetê bînî ra ma qismo ke derheqê herêmanê Îdareyê Xoserî de nusîyayo red kenê û pêşnîyazê komîte kenê ke wa şorê û roniştoxanê herême reyde qisey bikerê, nê îdîayan raşt bikerê.

Ma sere de Hêzanê Koalîsyonê Mîyanneteweyî, Amerîka, Rûsya, Konseya Asayîşî venga rêxistinanê heqanê merdiman danê ke wa mesuldarîya xo bîyarê ca û sûcanê barbaran ê dewleta tirke vindarnê. Ma wazenê ke îşxalê herêmanê kurdan û Sûrîye bêro qedînayene û sûcdarî bêrê hukmkerdene. Ganî cade verê dewleta tirke bêro girewtene ke herême ra teror vila kena û Sûrîye ra heta Iraq, Yunanîstan, Qibris, Armenîstan, Dengizê Sipî, Yemen, Lîbya seba pêro welatan tehluke ya.''