Fermanê 73. yê Şingalî ra 6 serrî vîyartî. Wextê Fermanî de şarê Rojawanî berê xo mexdûranê qirkerdişî ra akerdbi. Faris Şemoyo ke êzidîyanê Tirbesîpîyê ra yo, qala pêşwazîkerdişê êzidîyanê ke hêrişanê DAÎŞî de ameybî Rojawan kerde.

Faris Şemoyo ke seba hetkarîya êzidîyan sey zerrîwaz xebitîya vat: ''Ma Tirbesipîyê de êzidîyan ra komîteyêke awan kere. Kurd, sûryan û erebanê Rojawanî berê xo êzidîyan rê akerdî. Ma kesê ke koçê tîya kerdî, ca kerdî. Serrêke ê ma hetî de mendî. Xeylêk kesî zî Kampa Newrozî de mendî. Îdareyê Xoserî Girkê Legê de xeymê weşîye akerdî. Komîteya ma qasê 10 kamyonan kinc û cilî şawitî Şingalî. Nê kamyonan kesê ke waştêne bêrê ardî Rojawan.

Eke gerîlayanê HPGyî ma rê korîdorêk anêkerdêne kes nêeşkayêne bixeliso. Heta ke ma êzidîyî dinya de bibê ma do hetkarîya HPGyî bikerê û mînetdarê înan bibê. YPGyî 6 serran cinî û domanî destê DAÎŞî ra xelisnayî û berdî keyeyanê înan. Ma sipasdarê înan ê.

Dewleta tirke pêro tarîxî de seba ma tim sey tehluke bîye. Qirkerdişanê DAÎŞî de barê dewleta tirke zêdêr o. Ewro hema zî teyarayê dewleta tirke danê ma ro. Şarê ma yo sivîl beno hedefê dewleta tirke.

Qirkerdişê Êzidîyan ra dima komelê êzidîyan îdareyê xo, hêzê pawitişî yê xo YBŞ û YJŞ û asayîşê xo rêxistin kerdî. Hêvîya ma ya tewr pîl na ya ke komelê êzidîyan yewî û îtîfaqê xo bîyaro ca.''