Şaristanê Qamişloyî de teyarayanê şerî yê ke goreyê texmînan ê koalîsyonî yê, da bendêkê kontrolî yê rejîmî ro. Yeno vatene ke hêrişê hewayî xîretê rejîmî yê astengkerdişê konvoyê koalîsyonî ra dima qewimîya.
Teyarayanê şerî şaristanê Qamişloyî yê Rojawanî de da bendêkê kontrolî yê rejîmê Sûrîye ro. Yeno texmînkerdene ke nê teyarayî aîdê koalîsyonê mîyanneteweyî yê vera DAÎŞî yê.
Goreyê zanayîşan bendê kontrolî yê rejîmê Sûrîye nêzdîyê dewa Ebû Zehebî ya Til Berakî de serê sibayî verê konvoyê Koalîsyonê Mîyanneteweyî de bi asteng. Ame parekerdene ke na astengîye ra dima teyarayanê şerî da bendê kontrolî ro. Netîceya hêrişî de tay kesî merd û birîndar bîyî. La hûmara înan kişf nîya.
