Xoverdayîşê grevê vêşanîye û rojeyê mergî yê seba wedaritişê tecrîdkerişê Rayberê Şarê Kurdî Abdullah Ocalanî dewam kenê. Bajarê Qamişlo yê Rojawanê Kurdistanî de, seba wayîrvejîyayîşê xoverdayîşê vera tecrîdî 4 rojî yo çalakîye yena viraştene. Kedkarê Heyva Sor a Kurdistanî çalakîya grevê vêşanîye de zî xoverdayoxan reyde yê.

Xebatkaranê Heyva Sor a Kurdîstanî ra Newroz Şabo derheqê xoverdayoxanê grevê vêşanîye de qisey kerd û ard ziwan heta destê înan ra yeno ê cehd kenê ke persan çareser bikerê. Newroz Şaboyî vat, “Seba ke ma xeyma grevê vêşanîye de wezîfedar ê û hetkarîye danê şarê xo ma keyfweş ê. Seba ke 24 saetî hetkarîye bidê şarê xo ma tîya nobete gênê. Bi giranî persêkê serdejî û tansîyonî çalakgeran de asenê. Ma zî cehd kenê ke înan rê bibê hetkar.”