Hêrişê dewleta tirke yê vera Şingal û Til Temirî Qamişlo û Reqa de ameyî protestokerdene.

Qamişlo

Roniştoxanê Qamişloyî pê fotografanê Rayberê Şarê Kurdî Abdullah Ocalanî, fotografê şehîdan û pê pankarta 'Bêvengîya mîyanneteweyî tesdîqê qirkerdişê îradeyê êzidîyan o' çalakîya rayraşîyayîşî kerde.

Rayraşîyayîş dima vurîya nawnayîş. Hemserekê PYDyî yê Qamişloyî Mesûd Daudî nawnayîş de qisey kerd û vat: ''Çira Amerîka, Rûsya û dewletê bînî bêveng ê? Bêvengîya înan hemkarîya qirkerdişê şarê ma ya.''

Reqa

Pê beşdarîya endamanê Ciwanan ê Şorişgêran, Yewîya Cinîyan ê Ciwanan ê Reqa, ciwananê Partîya Ameyoxî û rêxistinanê sivîlan Reqa de zî çalakîya rayraşîyayîşî ameye kerdene. Rayraşîyayîş dima vurîya nawnayîşêk.

Vervatoxê MEclîsê Ciwananê Partîya Ameyoxî ya Sûrîye Mihemed Zixîrî, aktîvîsta Kombîyayîşê Cinîyan ê Zenûbîya, Endama Yewîya Ciwanan Delale Mihemed nawnayîş de qisey kerd û hêrişê dewleta tirke şermezar kerdî. Nawnayîş pê sloganan qedîya.