Qamişlo de hêrişê dewleta tirke yê vera Başûrê Kurdîstanî û hemkarîya PDKyî pê çalakîya rayraşîyayîşî ameyî şermezarkerdene. Meclîsê Keyeyanê Şehîdan, endamê HPC, HPC-JIN zî tewrê çalakîye bîyî.

Çalakîye de sloganê 'Ma pêro kurd ê, ma pêro PKKyî yê' ameyî vatene.

Dayîke Necar çalakîye de ANFyî rê qisey kerd û qirkerdişê Konya vist vîrî. Dayîke Necar vat: ''Semedo ke kurd bîyî ê merdimî kişîyayî. Ez venga pêro kurdan dana ke vera dewleta tirke û hemkarîya PDKyî tewirê xo bimojnê. PDK ganî hetê dişmenan de nê hetê kurdan de ca bigêro. Ganî ma heta peynî welatê xo bipawê.''