Hemserekîya Meclîsê Rayberdişî yê Îdareyê Xoserî pê bira hûmara 42. çarçewa tedbîranê vîrusê Korona de qedexeyê tebervejîyayîşî heta peynîya îznê Roşanê Remezanî kerd derg.

Bira Îdareyê Xoserî nê des bendan ra yena meydan:

1-Qedexeyê vejîyayîşê teberî 12ê gulana 2020î roja sêşemeyî ra heta peynîya îznê Roşanê Remezanî do bêro dergkerdene.

2-Wextê qedexeyî saete 7ê şewe ra heta 6ê serê sibayî yê roja bîne yo.

3-Pêro dikanî û kargehî saete serê sibayî saete 6î ra heta 7ê şanî eşkîyenê akerde bibê.

4-Wesayîtê resayê komkîyî do xizmet bidê la do goreyê qayîdeyanê hîjyenî û mesafeyê komelkîyî têbigêrê.

5-Xebatkaranê weşîye û ê Îdareyê Xoserî ra ber pêro xebatkarî heta peynîya qedexeyî do nêxebitê.

6-Berê sînorî heta bira bîne do sey girewte  bimanê.

7-Hewteyê peyênî yê Remezanî de îbadetxaneyî do akerde bibê la nê cayan de zî şar ganî goreyê qayîdeyanê hîjyenî û mesafeyê komelkîyî têbigêro.

8-Heta peynîya qedexeyî çayxane, werdgeh, kafeterya, dibistan û zanîngehî do bêrê girewtene.

9-Kantonê Hesekê yo ke tede vîrusê Korona ame tesbîtkerdene nê biran ra azade yo. Kantonê Hesekê ke Îdareyê Cizîrî derheqê tedbîran de selahîyetdar bibo.

10-Caardişê nê biran pêro kesan eleqedar keno.''