Înîsîyatîfê Heqanê Merdiman ê Sûrîye derheqê qirkerdişê HTŞyî yê vera elewîyanê Sûrîye de selahîyetdaranê Komîserîya Berze ya Heqanê Merdiman (OHCR) a Nyî de pêvînayîşêk kerd.

Nameyê înîsîyatîfî ser o Mudirê Weşanê Pêroyî yê Vengê Elewîyan Erkan Kiliçkayayî, Zozane Faruk û Sema Kiliç qisey kerd û înan raporêk teslîmê dezgehî kerd. Heyetî waşt ke wa OHCR cade verê qirkerdişê elewîyan bigêro. 

Kiliçkayayî ANFyî rê qisey kerd û pare kerd ke selahîyetdaran vato ke ê qirkerdişê elewîyan nêzdî ra teqîb kenê. Kiliçkayayî vat: ‘’Selahîyetdaranê OHCRyî derheqê qirkerdişî de agahîyî waştî û vat ke ê do dezgehanê sivîlan de bikewê têkilîye.’’