QSD: 17 îşxalkerî ameyî kiştene

Xoverdayîşê şervananê QSDyî yê xoverdayîşê cepheyê Tişrînî de 17 çeteyê SMOyî yê dewleta tirke ameyî kiştene û 40 çeteyî zî birîndar bîyî.

Merkezê Çapemenîye yê QSDyî derheqê rewşa peyêne de eşkerayîye daye û nê pare kerdî:

''Roja îneyî (27ê kanûne) saete 01.00 de çeteyan dewanê Ebû Qelqel û Elûşî de hêrişê hêzanê ma kerd. Şervananê ma cade cewab da hêrişan û pêkewtişê giranî qewimîyayî. Pêkewtişan de çeteyan derbeyê girdî werdî. Destpêkerdişê pêkewtişan de grûbêka çeteyan bi temamî ameye îmhakerdene. Dişmenê ke hêzo gird şawit dewa ke tede pêkewtişî qewimîyayî, hetê hêzanê ma ra derbeyê girdî werdî. Pêkewtişan de têna şervanêkê ma birîndar bi ke rewşa ci giran nîya.

Yewîya Şehîd Harunî zî dormeyê banan de xo nimit û 4 wesayîtê çeteyan û grûbêka çeteyan îmha kerdî.

Xoverdayîşê şervananê ma de fermdarê grûba çeteyan a Mehavir el Şemalî zî tede 17 çeteyî ameyî kiştene.Serçeteyî zî tede 40 çeteyî birîndar bîyî.''