Şerwanê QSD’yî, Baxoz de kewtî wareyo peyên o ke  wesayîtê çeteyanê DAÎŞ’î tede ameyî arêdayene û mewzîkerdene.

Kampê çeteyan ê ke sey mewzîyan ameyêne şuxulnayene gerîyayî binê kontrolî, kismêkê çeteyan binê qilo ke serê ci de  beyraqê  YPG/ YPJ’yî estî, de teslîm benê.

Merkezê Çapemenî yê QSD’yî eşkerayîya ke 18’ê Adare de dabi  zanayene ke operasyonê vera çeteyanê DAÎŞ’î yê Baxozî de zereyê 24 saetan ê peyênan de 87 çeteyê ameyê kiştene û darbeyêka girde daya çeteyan ro.

Vervatoxê QSD’yî Kino Gabrîelî, roja yewşemeyî eşkerayîyêka çapemenîye dabi û ardbi ziwan ke, menga Çele ra nata Baxoz ra 64 hezar kesî vejîyayê.  Nînan ra seba ke 5 hezarê ci endamê DAÎŞ’î yê ameyê tewqîfkerdene, 25 hezarê ci zî keyeyanê endamanê DAÎŞ’î ra yenê pê. Kino Gabrîelî zanayne ke, înan 34 hezar sîvîlî Baxoz ra dayê hewilnayene.