Merkezê Îrtîbatî û Çapemenîye yê Hêzanê Sûrîyeya Demokratîke (QSD) hesabê xo yê twitterî ser o da zanayene ke Dêra Zor de pê operasyonêkê taybetî cergêkê DAÎŞî ame tepiştene.

Eşkerayîye de wina ame vatene: ''Hêzanê ma û hêzanê Koalîsyonê Mîyanneteweyî vera cerganê ke aramîya herême xeripnenê Herêma Cedîdet Egîdatî ya Dêra Zorî de operasyonêk kerd. Netîceya operasyonî de cergêkê DAÎŞî ame tepiştene.''