Fermandarîya Pêroyî ya QSDyî derheqê hedefkerdişê rayberanê eşîran ê Dêra Zorê de eşkerayîyêke daye.

Eşkerayîya QSDyî wina ya:

''Dêra Zorê de rîsipî û şêxê eşîran herême de yenê hedefkerdene. Nê serebûtî parçeyêkê planê dergûdila yê. Yeno hedefkerdene de roniştoxê herême vera Îdareyê Xoserî vejîyê û têmîyanî bivirazîyê. Nê planî  hamleya çinkerdişê DAÎŞî dest pêkerd. DAÎŞ bi kayanê gemarinan vera roniştoxanê herême û Îdareyê Xoserî sûcan keno. Dewleta tirke û cergê ci zî kenê ke herême de alozîye bivirazê û nê zî rejîmê Sûrîye reyde paştî danê DAÎŞî. 

Nê hêzan bi rayîrê plananê xo asayîş, haştî, îdare, aramîya herême kerdî hedef û armanc kerd ke eşîrî bikewê yewbînan û vera QSDyî û hêzanê Koalîsyonê Mîyanneteweyî têbigêrê.

Ma sey Fermandarîya QSDyî ya Dêra Zorê anê ziwan ke şarê ma QAmişlo ra heta Dêrikî yeno hedefkerdene û serebûtê herême plankerde yê. 

Mabênê QSD û eşîran de têkilîyêka xurte esta. Eşîrî dormeyê QSDyî de cayê xo gênê. Nê tewirê eşîr û şaran planê nê wayîranê fîtneyan pûç keno. 

Armanco verên ê QSDyî çinkerdişê terorî yo. Naye ra ber QSD çew hedef nêkeno û hêrişê ci nêkeno. Rixmê fîtneyan zî ciwanê herême tewrê QSDyî benê. Eşîrî seba paştdayîşê QSDyî eşkerayîyan danê. Ma pê nê tewirê înan sereberz ê. Wezîfeyê ma yo neteweyî yo ke dormeyê QSDyî de bêrê pêser û yewîya xo bipawê.

Ma Koalîsyonê Mîyanneteweyî rê zî spas kenê ke eşîr û komelanê herême reyde kombîyayîşan kenoi vera terorî paştî dano ma. 

Ma rayberanê eşîran ê Cizîre û Firatî rê zî sipas kenê ke seba ke kokê nê fîtneyan wişk bikerê xebitîyenê.''