Merkezê Îrtîbatî yê QSDyî derheqê hêrişê topyekunî yê dewleta tirke ya îşxalkere yê vera Rojawanî de eşkerîye daye û nê pare kerdî:

''Dewleta tirke û çeteyê ci qezaya Şêrawa û herêma Zîrganî  ser o bombayan varnenê. Zîrgano ke tede hewt hezarî ra zafêr sîvîlî est ê, bi seyan guleyanê topî îsabetê ci kerd. Îşxalkeran Şêrawa û derûdorê Til Rirfetî de bi topan hedef girewtî û bîyî sebebê xesarê madîyê giranî. Dewleta tirke herêmanê sîvîlan goreyê keyfê xo dana bombayan ver. Îşxakerî hedefanê leşkerî û sîvîlan cîya nêkenê.  Dewleta tirke cayê sîvîlan kerdê warê şerî. Sîvîlan qetil kenê û erdê ci ra vejenê. No sûcê şerî yo. Ganî dezgehê huqûqî yê mîyannetweyî vera nê vengê xo vejê. Ma veng danê dezgehanê eleqedaran ke wa semedê sûcanê şerî yê dewleta tirke yê ke 2018î ra nata yenê kerdene wa cipersayîş bidê destpêkerdene û sûcdaran teslîmê edaletî bikerê.''