Merkezê Çapemenîye yê QSDyî da zanayene ke hêzanê înan vera îşxalê dewleta tirke û cergan tay çalakîyî kerdî.

Eşkerayîye de wina ame vatene: ''Mabênê 21ê hezîrane û 1ê temmuze de îşxalkeranê tirkan û cerganê înan pê çekanê giranan hêrişê dewanê Girê Sipî, rayîrê M4î û Eyn Îsayî kerd.

Dewê ke hetê Tirkîya ra dîyayê bombayan ver nê yê: Xirbetbeqer, Arîda, Bîr Zinar, Leqleqo, Sewan, Meblûca, Zenûbiya, Silîp, Ferhûna, Kor Hesen, Depoyên Qizelî. Dewê Eyn Îsayî û rayîrê M4î zî pê obus û hawanan dîyayî bombayan ver. 

Îşxalkeran xîret lerd ke herême de aver şore la hêzanê ma cewab da înan. Netîceya nê hêrişan de xeylêk sivîlî birîndar bîyî û sivîlê bi nameyê Mihemed Îbrahîm El-Hîşer zî şehîd bi.

Cewabê şerwananê ma de 8 cergî ameyî kiştene, 2 kamerayî ameyî destvistene, tankêk û di makîneyê leşkerî ameyî îmhakerdene.