Fermandarîya Pêroyî ya QSDyî derheqê hêrişanê dewleta tirke ya îşxalkere yê vera Herêmanê Pawitişî yê Medya eşkerayîya nuştekîye daye.

Eşkerayîye wina ya:

''Dewleta tirke ya îşxalkere ke vera Vakur û Rojhilatê Sûrîye hêrişê xo zêdînayî, vera Koyê Garê yo ke bajarê Dîhokî yê Başûrê Kurdîstanî de yo zî hêriş da destpêkerdene. Nê hêrişî sînorê Tirkîya de ney zereyê herra Başûrê Kurdîstanî de yenê kerdene. Hêrişê dewleta tirke yê vera Rojawan û Başûrê Kurdîstanî ke heme kurdan hedef kenê îstîkrarê herême xeripnenê. Têkoşînê vera DAÎŞî zî kenê zehîf. Pê nê hêrişan DAÎŞ newe ra yeno bihêzkerdene.

Têkoşîno bêhempa yo ke şarê kurdî û şarê herême vera dişmenê merdimîye DAÎŞî da destpêkerdene bêmabên dewam keno. Hêrişê îşxalî yê dewleta tirke wazeno destkewteyanê kurd, ereb û şaranê bînan ê herême destê înan ra bîgêro. Coka hêrişê dewleta tirke yê vera Garê bitehluke yê. Xora do vera terorê DAÎŞî û hêrişanê dewleta tirke vindertişê ma yo qerardar do dewam bikero. Ma veng danê ke wa Koalîsyonê Mîyanneteweyî û heme hêzê eleqedarî vera îşxalê dewleta tirke bêveng memanê.''