Hêrişê çeteyanê dewleta tirke ya îşxalkere yê vera Minbicî dewam kenê. Merkezê Îrtîbatî û Çapemenîye yê QSDyî da zanayene ke 26ê kanûne ra heta ewro serê sibayî xoverdayîşê Meclîsê Leşkerî yê Minbicî, YPG û YPJyî de 22 çeteyê dewleta tirke ya îşxalkere ameyî kiştene û 25 çeteyî birîndar bîyî.

QSDyî vat: ''Hêzanê ma roja pancşemeyî cewab da hêrişanê dewleta tirke û çeteyanê ci. Netîce de bi desan çeteyî kişîyayî û birîndar bîyî. Panzer û erebeyê înan zî ameyî îmhakerdene. Yew panzer ame derbkerdene. Cewabanê ma ra dima îşxalkerî neçare mendî ke biremê. 

Yewinanê Şehîd Harunî zî çar reyî da noqta û kombîyayîşanê çeteyan ro. Netîce de xeylê îşxalkerî birîndar bîyî û erebeyê înan ameyî îmhakerdene.''