Dewleta tirke ya îşxalkere pê droneyanê çekdaran hêrişê dewa Cirnikî ya Qamişloyî kerd. Netîceya hêrişî de 4 endamê Hêzanê Xopawitişî şehîd bîyî.

Hêzanê Sûrîyeya Demokratîke (QSD) derheqê hêrişî de eşkerayîye daye û nê pare kerdî:

''Ewro saetanê nêmroje de dewa Cirnikî ya Qamişloyî de yew grûba Hêzanê Xopawtişî  gama ke wezîfeyê xo kerdêne raştê hêrişê droneyê çekdarî yê dewleta tirke ameye. Nê hêrişî de 4 şervanê ma şehîd bîyî û 3ê înan zî birîndar bîyî. Nasnameyê şehîdanê ma do peyra bêrê eşkerakerdene.

Dewleta tirke ya îşxlakere demê peyênî de hêrişê xo zêdînayî. Pê hêrişanê ke bi hewayêkê teberê merdimîye kena, wazena ke ters û xofî bifîno mîyanê şarî.  Ma Sey Hêzanê Sûrîyaya Demokratîke bedelê ci çi beno wa bibo do şar û destkewteyanê xo bipawê. Ma do her şertan de vera îşxalkeran têkoşîn bikerê û qesasê şehîdanê xo bîgêrê.''