Merkezê Çapemenîya QSDyî bi eşkerayîyêke derheqê hêrişê dewleta tirke û çeteyanê ci yê vera Eyn Îsayî yê ke vizêr şewe ra yeno kerdene de zanayîş da.

QSDyî da zanayene ke înan çeteyê peyser qeldeyî vat emîrê DAÎŞî û  rayberê çeteyan Îsmaîl Aydo zî tede 18 çeteyî ameyî kiştene û xeylêk zî birîndar bîyî.

Hîrayîya eşkerayîye de nê ameyî vatene: ''Saetanê şewe yê 24ê teşrîna peyêne de çeteyanê îşxalkeran waşt ke bikewê dewa Malikîye yê Eyn Îsayî. Eynî wextî de dormeyê Eyn Îsayî û rayîrê M4î zî bi topanê giranan ameyî pirodayene. Şerwananê ma çarçewa xopawitişê meşrûyî de cewab da hêrişan. Pêkewtişî ra dima grûba ke waştêne bikewo dewe hetê hêzanê ma ra ameye bêtesîrkerdene. Goreyê zanayîşanê ke kewtê destê ma emîrê DAÎŞî yo verên û rayberê çeteyano nikayin Îsmaîl Aydo zî tede  tewr tay 18 çeteyî ameyî kiştene û xeylêk zî birîndar bîyî.

Wextê pêkewtişî de wesayîtê hewayî yê çekdarê bêmerdimî zî herême de gêrayenê. Rîyê eştişê topan ra cayanê sîvîlan zirar dî. Pêkewtişan de 4 embazê ma birîndar bîyî. Pêkewitşî bi çekanê giranan dewam kenê.''