QSD: Yew eleqeyê ma tepiştişê rojnamegeran çin o
QSDyî pare kerd ke îdîaya 'tepişîyayîşê 3 rojnamegeran' a Rêxistina Rojnamegeran ê Sînornenasan raşt nîya û bêbinge ya.
Rêxistina Rojnamegeran ê Sînornenasan wextêk verî îdîa kerdbi ke Hêzanê Sûrîyeya Demokratîke (QSD) 3 rojnameger Rojawan de tepiştê. QSDyî derheqê mesele de keyepelê xo de eşkerayîyêke daye.
Eşkerayîya QSDyî wina ya:
''Rêxistina Rojnamegeran ê Sînornenasan 8ê adare de eşkerayîya xo de vat ke QSDyî Rojawan de 3 rojnamegerî tepiştê.
Ma sey hêzêkê leşkerî qetî kenê ke QSD berpirsîyarê ferzkerdişê qanûnan nîyo û caardişê qanûnan karê ma nîyo.
Karê qanûnî berpirsîyarîya meqamanê edaletî û Hêzanê Asayîşê Zereyî yê Îdareyê Xoserî ya. Yew eleqeyê ma bi tepiştişê nê rojnamegeran çin o.''
