QSD'yî operasyonê Baxozî newe ra da destpêkerdene

QSD'yî eşkera kerd ke muhleto ke înan seba vengkerdişê Baxozî û teslîmbîyayîşê çeteyan dabi seba ke bîyo pirr operasyon reyna ameyo destpêkerdene.

Eşkerayîya ke hetê QSD'yî ra saet 18.00 de amî dayene de dîya zanayene ke operasyonê hemverê Baxozî newe ra ameyo destpêkerdene. Dimayo ke muhleto ke QSD'yî seba teslîmbîyayîşê çeteyanê DAÎŞ'î pîya bi keyeyanê înan dabi qedîya operasyonê Baxozî cayo ke mendo ra dewam keno.

QSD'yî 1'ê Adare de îlan kerdibi ke înan seba xelisnayîşê Baxozî dest bi hemleya peyêne kerdo û seba ke çeteyê ke dewan de mendê pîya bi keyeyanê xo teslîm bibê mabênêk dabi operasyonî. Mîyanê nê demî de bi hezaran DAÎŞ'îyî û keyeyê înan teslîmê hêzanê QSD'yî bîbî. Baxoz de pêkewtişî bi heme şidetê xo dewam kenê, averşîyayîşê şerwananê QSD'yî zî dewam keno.

Dimayo ke ame îlankerdene operasyonê Baxozî newe ra ameyo destpêkerdene şerwanê QSD'yî xeylî cayan ra ver bi herême şinê. Baxoz ra kilê adirî û dûmanî berz benê, pêkewtişî zî bi çetinî dewam kenê.