5 hezar çeteyê DAÎŞî yê ke Zîndanê Sîna yê Hesekê de yenê tepiştene binşewe têmîyankewitşêk vet û waşt ke biremê. Badê têmîyankewtişî hêzê asayîşî cade ameyî cayê serebûtî û Hêzanê Antî Terorî zîndan girewt binê ablûqa. Reyna teyarayê koalîsyonî zî bajarî ser o firdayî.

Vervatoxê QSDyî Kino Gabriyelî derheqê babete de sîteyê fermî yê QSDyî ra eşkerayîyêke daye. Gabriyelî ard ziwan ke îdîayê remayîşê çeteyan raşt nîyo û vat: ''Helê têmîyankewtişî de çeteyan qatê cêrî yê zîndanî girewtê binê kontrolî û berê zereyî yê zîndanî û dêsê ke odayan kenê cîya şikitî. Dima ra Hêzanê Antî Terorî mudaxale kerd û  hem zere hem zî teberê zîndanî de rewşe girewte binê kontrolî. Qet çeteyêk nêeşka biremo.''

Gabriyelî vist vîrî ke rolê QSDyî semedê çeteyanê DAÎŞî binê kontrolî de verdayîşî senî girîng o û vat serbutê winayênî na raştîye hîna eşkera ramojnenê. Gabriyelî veng da komelê rayapêroyî û Koalîsyonê Mîyanneteweyî ke wa semedê tepişteyanê DAÎŞÎ û merdimê înanê ke kampan de manenê paştî bidê QSDyî.