'QSDyî ancî planî pûç kerdî'

Berpirsîyarê Çapemenîye yê YPGyî Sîyabend Elîyî pare kerd ke armancê hêrişê DAÎŞî no bi ke projeyê neteweya demokratîke çin bikero û vat: ''QSDyî ancî planî pûç kerdî.''

Berpirsîyarê Çapemenîye yê YPGyî Sîyabend Elîyî ANFyî rê qisey kerd û dîyar kerd ke DAÎŞ nêeşkeno bi sereyê xo nê hêrişan bikero.

Elîyî vat: ''Cerganê DAÎŞî pê 3 wesayîtanê bombabarkerdeyan seba ke cerganê ke zîndanê Hesekê de tepişîyenê bixelisnê hêriş kerd. Nê hêrişî de qasê 100 cergî estbîyî. La no hêriş netîceya amadekarîya 6 mengan a. Înan bi desan hucreyê xo yê nimiteyî vistî dewre. Înan bi mengan îstîxbaratî arê dayî û dima hêriş kerd. Seba ke hêzanê ma cade mudaxele kerd no hêriş nêeşka bireso armancê xo.

Armancê nê hêrişî destvistişê pêro Hesekê bi. Nika Zîndanê Sinaa (Xiwêranî) binê kontrolê hêzanê ma de yo. Şerwananê ma pêro berî û dorme girewtî binê çemberî û nika uca de operasyon esto. Bînayêke de qasê 100 cergan xo nimna û uca de zî şerêko pîl esto. Pê nê operasyonan planê DAÎŞî yeno pûçkerdene. Xora cade eşkera bi ke peyê nê hêrişî de xeylêk hêzî estê. Çunke serrgêra ronayîşê Îdareyê Xoserî de dewleta tirke zî hêrişê Til Temir, Zirgan, Eyn Îsayî kerdbi. Rejîmê Şamî zî xîret keno ke nê hêrişan ra îstîfade bikero. No planê hêrişî vera projeyê neteweya demokratîke yeno kerdene. La şerwananê ma no plan pûç