Merkezê Çapemenîye yê QSDyî derheqê hêrişanê dewleta tirke û çeteyanê ci de eşkerayîye daye û nê vatî:

''Hêrişê dewleta tirke ya îşxalkere û çeteyanê ci yê vera herêma Vakur û Rojhaletê Sûrîye hîrê aşmî yo bêmabên dewam kenê. Şervanê ma bi hewayêkê qehremankî xover danê û destur nêdanê ke îşxalkerî û çeteyê ci aver şirê.

Vizêr (şeme) teyrayanê şerî yê dewleta tirke lojmanê Awbendê Tişrînî dayî bombayan ver. Dormeyê awbendî û pê obus û havanan dîya bombayan ver. Hêriş de xesaro madî ame meydan.

Cepheyê Dêr Hafirî de mabênê şervananê ma û çeteyan pêkewtiş vejîya la hûmara merdeyan ê çeteyan zelal nêbîye.

Dewê Tîna, Cada, Bîr Hiso, Dîkan, Melha, Sinaa û qilê Sêvê û Qereqozaxî pê obus, tanq, roket û havanan 30 reyî ra zafêr dîyayî bombayan ver. Hêrişan de xesaro madî ame meydan.

Serê Kobanê û Eyn Îsayî de gêrayîşê teyarayanê şerî û droneyan dewam kerd.''