Merkezê Îrtîbatî û Çapemenîye yê QSDyî bîlançoya şeş mengan eşkera kerde.

Eşkerayîye de nê ameyî vatene: ''Şeş menganê verênan ê serra 2021î vera çeteyanê DAÎŞî 34 operasyonî ameyî kerdene. Nê operasyonan de 245 çeteyî ameyî tepiştene û netîceya pêkewtişanê ke operasyonan de qewimîyayî de 3 çeteyî ameyî kiştene. Reyna tunelêkê çeteyan ame destfînayene. Yew motor û yew mayin ameyî îmhakerdene û xeylêk muhîmat ame destfînayene.''

Eşkerayîye de derheqê hêrişê dewleta tirke û çeteyanê ci de zî nê ameyî vatene:

''Dewleta tirke ya îşxalkere û çeteyanê ci sere serre ra vera Eyn Îsa û Til Temirî 206 rey top eştî, 10 reyan ra zafrê erdî ra hêriş kerd. Hêzanê ma çarçewa xopawitişî vera hêrişan cewab da pêkewtişê giranî qewimîyayî. Netîceya pêkewtişan de çeteyî peyser ameyî qeldayene. Pêkewtişan 50 ra zafêr çeteyî ameyî kiştene 25 çeteyî birîndar bîyî. 4 wesayîtê zirxinî û 2 doçkayî ameyî îmhakerdene.  2 wesayîtanê zirxinan zîrar dî.  Pêkewtişan de xeylêk muhîmat ame destfînayene.  Netîceyê nê pêkewtişan de 14 embazê ma şehîd bîyî.''