Merkezê Îrtîbat û Çapemenîye yê Hêzê Sûrîyeya Demokratîke derheqê hêriş û pêkewtişanê dewa Dibisî yê Eyn Îsayî de eşkerayîye daye.

QSDyî da zanayene ke hêrişan şewa 22ê elule de dest pêkerd ke dewe bêro îşxlakerdene û rayîrê mîyanneteweyî yê M4î hetê înan ra bêro kontrolkerdene.

Eşkerayîye de ame vatene ke hêzanê QSDyî cewabê hêrişkaran de û pêkewtişan de 5 çeteyî ameyî kiştene 4 çeteyî zî birîndar bîyî.

QSDyî bale ante ser ke hêrişan de sîvîlî ameyî hedefkerdene û vat sîvîlê bi nameyê Mecîd El-Ewedî (35) dinyaya xo bedilnaye û sîvîlê bi nameyê Zeynepe Mihemmed Şerîf (30), Mihemed Şerîf El-Ewed (83), Mehmûd El-Fesîh (19), Yusif Mihemed Hec Hemadî (25) û Terfe Mirî zî birîndar bîyî.

QSDyî ard bale ante xeberanê zûran ê dewleta tirke ser û vat: '' Ê şarî xapînenê û xo sey xelisnayoxî ramojnenî. Îdîa kenê ke hêzanê ma verî hêriş kerdo la ê se kenê wa bikerê do nêeşkerê zûranê xo biniminê.''