Hêzanê Sûrîyeya Demokratîke (QSD) vera Rêxistina Îstîxbaratî ya Tirkan (MÎT) operasyon kerd û xeylêk cebilxane û teqaberî vistî destî. Ame parekerdene ke MÎTî amadekarîya hêrişî kerdêne ke alozîye vejîya.
Merkezê Çapemenîye yê QSDyî bi eşkerayîyêke pare kerd ke operasyonê hêzanê Yewinanê Antî-Terorî (YAT) de xeylêk cebilxane û teqaberê MÎTî ameyî destvistene.
Eşkerayîya QSDyî wina ya:
''Xeylêk teaqber û cebilxaneyê MÎTî Girê Sipî de ameyî destvistene ke MÎTî waştêne herêmanê Îdareyê Xoserî de alozîye vejo. Vera MÎTî hetê YATî ra 2ê êlule de operasyonêk dîya destpêkerdene. MÎTî waştêne bi nê cebilxane û teqaberan sey Dêra Zorê Reqa de zî alozîyêke vejo. Netîceya operasyonî de nê amadekarîyê MÎTî ameyî pûçkerdene.
Cebilxaneyê ke ameyî destvistene nê yê;
•83 mayinî
•50 madeyê bomba
•1 çeke
•82 fîşekê çeke
•2 vengbirnayoxê çeke
•2 AK-47
•8 şarjorê AK-47
•700 fîşekê AK-47."
