QSDyî Reqa de 10 cergê DAÎŞî tepiştî
Hêzanê Sûrîyeya Demokratîke (QSD) Reqa de eşt hucreyêkê DAÎŞî ser ke amadekarîya hêrişî kerdêne. Netîce de 10 cergî ameyî tepiştene.
Merkezê Çapemenîye yê QSDyî pê eşkerayîyêka nuştekîye agahîyê operasyonê vera DAÎŞî pare kerdî.
Eşkerayîye wina ya:
''Yewînanê Antî-terorî yê hêzanê ma Reqa de hucreyêkê DAÎŞî yê 10 kesan tepiştî. Nê DAÎŞîjan plan kerdêne ke menga remezanî de Reqa û Tebqa de xeylêk cayan hedef bikerê, aramîya herême bixerîpnê. Yewînanê Antî-Terorî dest na xeylêk çekan, dokumentan û hacetanê nê kesan ser zî. Mîyanê nê kesan de pisporêkê çalakîye zî estbi.''
