Kurdan û dostanê înan Reims de bi coşî çalakîkerê Rayraşîyayîşê Dergî pêşwazî kerdî û vat: ‘’Ma do 15ê sibate bikerê roja azadîye. Wa şarê kurdî û dostê înan bi pêro hêzê xo Strasbourg de hetê Rayber Apoyî de bibê.’’
Çarçewa Hemleya ‘’Rayber Apoyî rê Azadîye, Meseleya Kurdan rê Çareserîya Sîyasîye’’ de Rayraşîyayo Derg ê ver bi Strasbourgî resa şaristanê Reimsî. Kurdan û dostanê înan Reims de bi coşî çalakîkerê Rayraşîyayîşê Dergî pêşwazî kerdî.
Çalakîkeran sloganê sey Bijî Serok Apo”, “Bê Serok Jiyan Nabe”, “Bijî Berxwedana Rojava” ve “Bijî Berxwedana QSD" vatî, vilawekî vila kerdî. Nameyê çalakîkeran ser o Mehmet Dagî eşkerayîye wende.
Mehmet Dagî pare kerd ke ê 15ê sibate de do biresê Strasbourgî ke serrgêra Komployê Mîyanneteweyîyî ya. Dagî vat: ‘’Dewleta tirke hende teng bîya ke neçare menda ke şora lingê dewleta tirke. Rayber Apoyî tesîrê xo mojna ra. Ma 15ê sibate bikerê roja azadîye. Wa şarê kurdî û dostê înan bi pêro hêzê xo Strasbourg de hetê Rayber Apoyî de bibê.’’
