Hetkarê Hemserekanê Meclîsê Sivîlî yê Reqa Evdilselam Hemsorikî bi wesîleya serrgêra 5. ya azadkerdişê Reqa ANFyî rê qisey kerd. 

Evdilselam Hemsorikî dima ke Reqa DAÎŞî ra amebi xelisnayene Meclîsê Sivîlî yê Reqa ame awankerdene û vat: ''DAÎŞî şaristan xera kerdbi. Meclîsê Sivîlî seba newe ra awankerdişê şaristanî karê girîngî kerdî, şarî zî paştî daye ci. Rixmê kêmasîyan zî hema zî nê karî dewam kenê. Bi taybetî warê perwerdeyî de kêmasî est ê. Nika Reqa de 380 dibistanî est ê la ganî nê dibistanî bizêdîyê. Hetê weşîye ra zî kêmasîyî est ê. Nika çar nêweşxaneyê ma est ê û nêzdîyê 30 ocaxê weşîye est ê. Ambargoyî ra û birîyayê awa Çemê Firatî ra zîret zerarêkê pîlî vînenê. Reqa de nêzdîyê 60 kampê multecîyan est ê.

Şarê ma binkewtişê DAÎŞî ra dima agêra. Reqa wextê DAÎŞî de bibi bargehê zulmî. Nika şaristanê haştî û yewîye yo. Ma nika armanc kenê ke şarê xo rê xizmetêkê tewr başî bikerê. Komîteyanê ma şaristan mayînanê DAÎŞî ra pakî kerd û no kar hema zî dewam keno.''

Evdilselam Hemsorikî pê hesna ke meseleya înan a verêne kêmîya xizmetan yan zî kêmîya îmkanan nîya û vat: ''Meseleya ma ya tewr pîle hêrişê dewleta tirke yê. Dewleta tirke seba ke aramîya herême bxeripna kayanê gemarinan kena. Rejîmê Şamî zî vera nê hêrişan çîyêk nêkeno. Ma sey şaranê Rojawanî xo rê way û biratîye, demokrasî esas kenê. Ganî dinya vera dewleta tirke tewirê xo bimojna. ''