Rîsipîyanê eşîranê Şehba Hec Nedîm El-Sadêq, Îbrahîm Elî Ibin Mûse, Hesen Ehmed Rimoyî ANFyî rê qisey kerd û venga pêro şaranê bindestan da ke vera serdestîya dewleta tirke sere wedarnê û mebê parçeyêkê qirkerdişê şaranê Sûrîye û Rojawanî.

Eşîra Dimlî ra Hec Nedîm El-Sadêqî vat: ''Hêrişanê Tirkîya ra nêbo şarê Şehba bi aramî ciwîyayêne. Ma bire daye ke bera hêrişanê dewleta tirke xo ver bidê û meverdê ke îşxalkerî debikewê erdê ma.''

Eşîra Betûşî ra Îbrahîm Elî Ibin Mûseyî vat: ''Sûrîye 3 prosesan ra derbaz bîyî; dewleta tirke verî waşt rejîmê Sûrîye birijna, dima zengînîyê welatê ma diznayî û dima zî bire daye ke kurdan qetil bikera. Ma sey şarê Şehba vera tedaya dewleta tirke vinderê û meverdê ê erdê ma îşxal bikerê.''

Eşîra Dîdenî ra Hesen Ehmed Remoyî vat: ''Ma vînenê ke Tirkîya Efrîn, Ezaz û herêmanê îşxalkerdeyan ê bînan de şarî rê ziwanê tirkî ferz kena û demografîya herême vurnena. Ez venga pêro şaranê ma û rîsipîyanê eşîran dana ke vera serdestîya dewleta tirke sere wedarnê û mebê parçeyê îşxalê dewleta tirke yê vera Sûrîye û Rojawanî.''