Komîteya Perwerdeyî ya Rojawanî do televîzyonî ra perwerde bido dewamkerdene ke semedê vîrusê Korona ra mabên de yo. Antişê beşanê bernameyê bi nameyê ''Dibistana Keyeyî'' qedîya, perwerde do Rojava TVyî ra bêro weşanayene.
Rojawan de semedê vîrusê Korona ra mabên amebi dayene perwerde. Komîteya Perwerdeyî ya Rojawanî bire daye ke perwerde kanala Rojava TVyî ra dewam bikero. Antişê beşanê dersan ê bi kurdkî û erebkî safî bîyî.
Komîteya Perwerdeyî ya Rojawanî do çarçewa bernameyê bi nameyê ''Dibistana Keyeyî'' de hewteyê bêrî de Rojava TV ser o dest pê weşanî bikera.
Sîstemê perwerdeyî yê Rojawanî rîxmê xeylêk hêrişan de zî wextêkê kilmî de ser kewt. Rojawan de heta sinifa 3. wendekarî pê ziwanê xo yê dayîke perwerde vînenî, sinifa 4. ra dima zî dest pê musayîşê ziwanêkê bînî yê herême kenê. Sinifa 5. de zî ziwanêko xerîb mufredat de ca gêno.
Rojawan de bi temamî 790 wendekarê dibistana verêne, mîyanêne û lîseyî estê. Termînê 2019-2020î de semedê îşxalê dewleta tirke yê vera Rojawanî û vîrusê Korona ra di rey mabên ame dayene perwerde.
