Komîteya Weşîye ya Rojawanî doneyê neweyî yê vîrusê Korona vila kerdî. Hemserekê Komîte Ciwan Mustafayî bi eşkerayîyêke pare kerd ke herême de 22 waqayê neweyî ameyî tesbîtkerdene û Hesekê de zî camêrdo 83 serre vîrusî ra merdî, 4 kesî zî bîyî weş.

Goreyê eşkerayîye mabênê 24 saetan de Hesekê de 5, Qamişlo de 7, Dêrik de 4, Rimêlan de 1 î Şehba de zî 5 waqayê neweyî ameyî tesbîtkerdene.

Bi nê hawayî Rojawan de hûmara nêweşanê Korona bîye 204 û heta nika 11 kesî merdî, 21 kesî zî bîyî weş.