Kobanê û Heleb de şar vera hêrişê îşxalî vejîya kuçeyan. Çalakîyan de ame vengdayene ke wa vera hêrişan paştî bidîyo xoverdayîşê gerîlayan.

Kobanê de verî Têgêrayîşê Ciwanan ê Şorişgêran û Yewîya Cinîyan ê Ciwanan pê eşkerayîyêke hêrişê vera Zap, Metîna, Avaşîn û Mexmûrî şermezar kerdî. Dima zî şarê Kobanê pê çalakîya rayraşîyayîşî hêrişê îşxalî protesto kerdî. Çalakîye de pankarta bi nameyê 'Komplo do çin bibo, îradeyo azad do ser bikewo' ameye akerdene. Çalakîye pê sloganan qedîyaye.

Heleb de zî Yewîya Cinîyan ê Ciwanan a Helebî pê eşkerayîyêke hêrişê îşxalî protesto kerdî. Eşkerayîye de ame vatene ke armancê dewleta tirke qirkerdişê pêro kurdan o. Eşkerayîye de hêrişê vera Şêrawa zî ame protestokerdene.