Rewşêka winasêne de ke rojdemê dinya pandemîya vîrusê Korona yo, dewleta tirke hêrişanê xo yê vera Rojawanê Kurdîstanî dewam kena. Îşxalê dewleta tirke de zaf trajedîyî ameyî meydan ke nê trajedîyî seserran nêrê vîrakerdene.

Dewleta tirke ya ke kiştişê kurdan ra mird nêbena, wextê îşxalê Girê Sipî de Saraya 6 serre zî qetil kerde. Saraya ke xebera ci pê îşxalê tirkan ra çinbî, wexto ke dibistane ra agêrayene keyeyê xo bîye hedefê guleyanê dewleta tirke. Roja 1ê teşrîna peyêne bîye. Dewleta tirke verê çimanê pêro dinya de Efrînî ra dima reyna verê sînorê Rojawanî de doman û cinîyan qetil kerdêne.

Tarîx 1ê teşrîna peyên o. A roje seba dadîya Sara Fatmaya ke kênaya ci pê guleyê leşkerêkê tirkî şehîd bîya, bîya rojêke ke qet vîr a ci ra nêşina. Serebûtî ra 8 mengî derbaz bîyî. Ma zî şîyî zîyaretê dadîya Sara. Wexto ke ma dadîya Sara Fatma ra a roje pers kerde pê bermayîş xîret kerd ke ma rê qala ci bikera.

Fatma wexto ke qala faşîzmê şefê tirkî Erdoganî kerdêne bi ziwanêkê fesîhî qisey kerdêne. Dayîke Fatma vat: ''Sara hema 6 serre bîye û verî ke çeka xo nêdabi Erdoganî ro înan kênaya mi kişte. Mi waştêne ke kênaya mi şora dibistane, biba pîl, biba zanaye.''

Waya qije ya Sara Aryen zî her roje dadîya xo ra persê waya xo kena û vana: ''Waya mi ha ça de ya?'' La Fatma verê nê persî de bêveng manena.

Dadîya Sara pêro kincanê kênaya xo bawulêk de nimnena. Fatma wexto ke kincê kênaya xo mojnayî ma vat: ''Ez do kincanê kênaya xo qet nêerza ke kênaya xo ra dûr nêmana.''

Dayîka Sara têna wazena ke îşxalê dewleta tirke biqedo û merdimî vera nê îşxalî vengê xo vejê.