Bi desan endamanê Dezgehê Dînî yê Cinîyan, Weqfa Cinîyan ê Azadan û Rêxistina Sara Goristanê ŞEhîd Delîl Saroxanî yê Qamşloyî de eşkerayîye daye.

Cinîyan fotografê Hevrîne Xelefa ke 12ê teşrîna verêne de hetê cerganê dewleta tirke ra ameye qetilkerdene, berz kerdî. Nameyê Dezgehê Dînî ser o Emîra El Izo eşkerayîye wende. Emîra hêrişê dewleta tirke yê vera Serêkanîyê û Girê Sipî şermezar kerdî. Emîra da zaneyene ke dewleta tirke sûcanê DAÎŞî dana dewamkerdene û wazena ke kurdan bi temamî qir bikera.

Emîra venga kurdan da ke vera hêrişanê dewleta tirke sere wedarê. Emîra venga Neteweyanê Yewbîyayeyan, Konseya Asayîşî û hêzanê dinya zî da ke vera sûcanê dewleta tirke berpirîsyarîya xo bîyarê ca.

Emîra peynîya eşkerayîye de waşt ke wa her kes paştî bido roniştoxanê Serêkanîyê û Girê Sipî.