Kobanê, Hesekê, Qamişlo, Fafîn, Tebqa û taxa Şêxmeqsûdî ya Helebî de serrgêra Şorişê 19ê Temmuze ameye fîrazkerdene. 

Kobanê de Meydanê Şehîd Egîdî de, Hesekê de Parka 4ê Nîsane de, Qamişlo de Stadyumê Şehîdan ê 12ê Adare de, Efrîn-Şehba de bajarekê Fafînî de û Şêxmeqsûd de herêma Cebanatî de şayîyî ameyî viraştene.

Şayîyanê fîrazkerdişî de posterê Rayberê Şarê Kurdî Abdullah Ocalanî ameyî akerdene. Sere de îdarekar û temsîlkarê Îdareyê Xoserî, TEV-DEM, QSD, YPG-YPJyî xeylêk temsîlkarê partî û dezgehan û şarî tewrê şayîyan bîyî.

Şayîyan de soz ame dayene ke destkewte û erjê şorişî do bêrê pawitene. Şayîyan de bale ameye antene hêrişanê dewleta tirke ya îşxalkere ser û seba xoverdayîşê topyekûnî veng dîya.

Şehba

Kobanê

Hesekê