Rojnamegerêko bîn ame tepiştene

Rojnameger Yusuf Topaloglu yo ke hetê polîsanê tirkan ra qezaya Kolikî ya Semsûrî de amebi destbendkerdene bi îdîaya ''endamîya rêxistine'' ame tepiştene.

Topaloglu 27ê teşrîna peyêne de qezaya Kolikî ya Semsûrî de çarçewa tehqîqato ke verê cû derheqê ci de amebi akerdene amebî destbendkerdene.

Muxabirê Ajansê Xeberan ê Dîcle yo ke bi Qerarnameyê Hukmê Qanûnî (KHK) ame girewtene Haci Yusuf  qasê 9 rojan ame destbendkerdene û dima Edlîyeyê Semsûrî de mehkemeya ci ameye dîyene. Dadgerîya Cezaya Sûlhî îfadeyê ''şahîdêkê nimitke'' ser o bi îdîaya ''endamîya rêxistine'' derheqê Topalogluyî de bira tepiştişî daye. Topaloglu ame berdene bi Zindanê Girewteyî yê Tîpê Eyî yê Semsûrî.