Çarçewa hamleya 'Tecrîd, faşîzm û îşxalî rê bes o; wext wextê azadîye yo' de roniştoxê kantonanê Efrîn û Şehba vejîyayî meydanan û înan paştdayîşê xo yê seba hamle pare kerd. Rayraşîyayîş de fotografê şehîdan û posterê Rayberê Şarê Kurdî Abdullah Ocalanî ameyî berzkerdene.

Roniştoxan dewa Babinsî de deqayêk rêz girewt. Dima endamê Îdareyê Xoserî yê Efrînî Arîf Şêxoyî qisey kerd û vat: ''Dewleta tirke bi îdîaya pawitişê Îslamî kena le şarê Rojhelatê Mîyanênî paştî bidê ci. La planê dewleta tirke nêameyî caardene.''

Endama Koordînasyonê Kongreya Starî ya Efrînî Newroze Haşîm zî vat: ''Ma hewceyê yewîya neteweyî yê. Rayber Apo bi serran o ke seba naye veng dano. Ganî ma seba naye rolê xo bîyarê ca û dişmen çin bikerê.''

Rayraşîyayîş bi sloganan qedîya.