Roşanê Cimaya Hacalî roja diyîne de yeno fîrazkerdene. Roja yewine de xeylêk kesan Goristanê Hacalî zîyaret kerd, xêrê xo vila kerdî u govend girewt. Şayîya roşanî ewro zî dewam kena.

Micêwirê Qubeyî Pîr Hecî derheqê roşanî de qisey kerd û vat: ''Komelê êzidîyan zaf xêr kenê û xêrê xo anê qubeyê Hacalî. Ma zî xizmetê şarê xo kenê. Kêna û lajê ciwanî govend gênê.''

Xezale Êzdîn zî beşdaran şayîye bîye  û ard ziwan ke no roşan seba nînan xeylêk girîng o.

Xêro Xelefî zî Roşanê Cima yê êzidîyan fîraz kerd û vat: ''Menga tebaxe seba ma rojêka reşe bîye la ka wayîrê ê îradeyî yê ke nê rojan bikerê roşnî.''