Rojawanijî bi wesîleya serrgêra 44. ya ronayîşê PKKyî ANFyî rê qala ci kerde ke înan senî PKK şinasnayo, senî tewrê têkoşînî bîyê.

Ehmedê Reşîdo ke Kobanê ra yo wina qala ê rojan kerde: ''Mi têgêrayîş 1981-82 de bi şehîd Omer Beg (Selman Xelxûrî) şinasna. Dima ez şîya Şam û mi bi Rûstem Cûdî û şehîd Hamza têkoşîn hîna hol şinasna.

1986 de ma sey komêke dîmenê Rayber Apoyî goşdarî kerdêne. Dima ez tewrê xebatan bîya. 1989 de ez, cinîya mi û lajê mi Egîd ma şîyî Akdemîya Mahsum Korkmazî. Ma embaz Cûma dî la ma Rayber Apo nêdî. 1990 de ma reyna şîyî û ma hem embaz Cuma hem zî Rayber Apo dî. Wexto ke Rayber Apoyî qisey kerdêne ma vatêne ma verî nêciwîyayî. Serra 1993î de Şehîd Zamanî û komanê sînoran reyde ma reyna şîyî hetê Rayberîye.

Mi tewr peyên 27ê teşrîna peyêne ya 1997î de o dî. Wexto ke o ameyêne mîyanê şarî çewî zanayêne ke o do sîyasetê dinya bivurno.

Serra 1994î de rejîmê Sûrîye Heleb de ez destbend kerda. Înan mi rê cayê Rayberîye pers kerd, mi zî vat Apogîrî hê koyan de yê. Mi nêwaşt xo eşkera bikera. Mi rê zaf îşkence kerd. La mi derheqê embazan de agahîye nêdaye. Ruhê xoverdayîşî yê Rayber Apoyî, Mazlûm Dogan û Kemal Pîrî ruh da ma. Ez şîya keye mi cayêk kêna û çeka ke rejîm gêrayêne ci nimit. Mi newe ra dest pê xebatan kerd.

Zîndananê Tirkîya de sere de Îmrali de tedayê pîlî estê. Wa çew vera ey bêveng nêmano. Di wayê mi Rêvane û Sakîne 25 serrî yo zîndan de yê.''