Endamê Konseya Hemserekîye ya PYDyî Aldar Xelîlî ANFyî rê mesajê xo yê Newroze da û îfade kerd ke Newroze roşanê azadîye, xelisîyayîş, têdûştî û xoverdayîşî yo. 

Xelîlî pare kerd ke Newroze têna yê kurdan nê yê pêro şaran a û vat: ''Çunke Newroze roşanê azadîye, xelisîyayîş, têdûştî û xoverdayîşî yo. Newroza 2022î do biba roşanê azadîye yê Rayber Apoyî. Pêro şarê herême azadîya xo azadîya Ocalanî reyde vînenê. Newroza 2022î serra 50. ya Têkoşînê Azadîye ya coka na Newroze do biba sembola azadîya şaranê herême. 

Ma do Newroze bikerê Newroza ma pêroyîyan. Azadîya ma pêroyînan pabesteyê azadîya Rayber Apoyî ya. Wa şarê ma nê esasî ser o Newroze fîraz bikerê. Seke Mazlûm Doganî vatbi 'xoverdayîş ciwîyayîş o' ma bi nê ruhî têkoşînî geş bikerê. Ma bi ruhê xoverdayîşî yê Mazlûm Doganî adirê têkoşînê serfîrazîye û adirê Newroze geş bikerê.''