Domanê şarê armanîyanê ke hetê dewleta tirke ra ameyî qetilkerdene, seba xurtkerdişê Şorişê Rojawanî û pawitişê şorişî Sûrîye de tabûrê armenîyan o yewîn rona. Tabûrê Şehîd Nûbar Ozanya bi tewrbîyayîşanê neweyan beno pîl.

Şerwanê armenî Dîkrano ke çend mengî verê cû tewrê Tabûrê Şehîd Nûbar Ozanyan bi ANFyî reyde qisey kerd. Dîkranî îfade kerd ke ey her tim waştêne bêro Rojawan û vat: ''3 mengî verê cû ez tewrê Tabûrê Şehîd Nubar Ozanyan bîya. Têkoşîn û Şorişê Rojawanî mi rê zaf tesîr kerd. Dewleta tirke wazena ke se kerd dibare bikera. Wazena newe ra qirkerdişan bikera. Ganî dinya xo rê bipersa vaja 'Dewleta tirke çira Rojawan îşxal kena?'

Tabûrê ma seba ke verê qirkerdişanê dewleta tirke bigêro û seba ke şar bipawo ronîyaye. Ma amade yê ke her cayê Sûrîye de û Rojawan de vera hêzanê tirkan ê îşxalkeran şer bikerê.''

Tabûrê Şehîd Nûbar Ozanyan o yewîn serrgêra 104. ya qirkerdişê armenîyan de 24ê nîsana 2019î de Til Temîr de awan bi.