Rêxistine û dezgehê ke binê serbanê Têgêrayîşê Komelê Demokratîkî (TEV-DEM) de yê paştî daye kampanyaya ke vera qedexeyê serê PKKyî dîyaye destpêkerdene. Eşkerayîya ke verê Merkezê Pêroyî yê TEV-DEMî yê Qamişloyî de ameye kerdene de nê ameyî parekerdene:

''Şerê teorîk û pratîkî yê PKKyî wayîrê mîrasê ehleqî û merdimî yo, heq û kulturanê şaranê herême paweno. Pîya bi nê PKKyo ke azadîya komelkîye û cuya paweno tim têkoşînê xo de azadîya cinîyan esas geno. Ganî PKK lîsteya terorî bêro vetene. No heqêko meşrû yo, çunke PKK xizmetê heme şaran keno. Ercanê demokrasîyî paweno û mabênê şaranê herême de kulturê dîyalogê haştîye û wayûbiratîye ca keno. Netîceya polîtîkayanê dewleta tirke ya faşîste de PKK gerîya lîsteya terorî ke wa destkewteyê şarê kurdî û şaranê herême destê ra bêrê girewtene. Seba ke PKK lîsteya terorî bêro vetene ma zî paştî danê kampanyaya vera qedexeyî. Sey heme dezgeh, sazgeh û rêxistinanê xo ma do îmzayan arê bidê. Eke PKK lîste ra bêro vetene verê demokrasî û haştîye yeno akerdene û heqê merdiman yenê pawitene. Coka  ma veng danê Yewîya Ewropa û Amerîka ke PKKyî lîsteya terorî vejê.''