Til Rifat de rayberîya Meclîsê Keyeyanê Şehîdan de bi hezaran kesî seba ke hêrişanê dewleta tirke şermezar bikerê vejîyayî meydan û vat: ''Ma do rayîr nêdê îşxalkeran.''

Merkezê qeza de rayraşîyayîş vurîya nawnayîş. Yewîya Cinîyan ê Azadan a Şehba ra Necahe Hisên nawnayîş de qisey kerd û da zanayene ke armancê dewleta tirke gandarkerdişê DAÎŞî yo.

Hemserekê Meclîsê Kantonê Şehba Cuma Kaloyî vat ke ê do xoverdayîşê xo dewam bikerê û bêvengîya Rûsya ya vera hêrişan zî şermezar kerde. Kaloyî venga rêxistinan ê mîyanneteweyîyan da ke sûcanê dewleta tirke vindarnê.

Nawnayîş pê sloganan qedîya.