Dewleta tirke û cerganê ci bi rayîrê 'Meclîsê Tirkmenan ê Resûlaynî' tirkmenanê Serêkanîyê rê gefê mergî wend.

Tirkmenanê Serêkanîyê ra Huseyîn Halîlî ard ziwan ke keyeyê ey herêma Landûra ya Helebî ra hêrişanê îşxalî de koç kerd. Halîlê 60 serrî ard ziwan ke cergan ey û keyeyê ci rê gef wend ke do sereyê înan bibirnê. Halîlî vat: ''Cergan vat ê do hêrişê terorîstan bikerê. La herême de terorîst çin ê. Cergan her ca talan kerd û mazlûmî kiştî. ma sey pêro şaran mîyanê haştîye de ciwîyayêne. Tirkmenan hêrişan de koçê herêmanê Îdareyê Xoserî kerd. Tirkîya vana a wayîra tirkmenan vejîyena. O çax çira 50 verî  wayîra ma nêvejîyaye? Nika zî Tirkîya şaristananê ma ser o bombayan varnena. Cerganê bi nameyê Muhammed Hemadî Cedan û Îzzeddîn Firatî telefon de mi rê gef wend. Înan vat ê do sereyê ma bibirnê. Ma wazenê abigêrê waranê xo. Wa nê cergî zî şaristananê ma ra şorê.''