Merkezê Îrtîbatî û Çapemenîye yê QSDyî bîlançoya şerî ya 24 saetanê peyênan eşkera kerde. QSDyî vat: ‘’

‘’Roja şemeyî dewleta tirke ya îşxalkere dormeyê Awbendê Tişrînî bi teyarayanê şerî û topan da bombayan ver. Dewleta îşxalkere dewa Xirbê Xalîdî zî bi obusan daye bombayan ver. Netîceya hêrişî de zerar resa mal û mulkanê hemwelatîyan.

Cepheyê Pirdê Qereqozaxî de şerwananê ma 3 çalakîyî kerdî. Nê çalakîyî vera baregehanê artêşa îşxalkere ameyî kerdene. Tîya de 5 leşkerê tirkî birîndar bîyî û wesayîto leşkerî zî ame derbkerdene.

Dewê Tîna, Xeseq û Melhayê zî dîyayî bombayan ver û hêriş de zerar resa mal û mulkanê sivîlan ser.

Dewê Tîna, Cade, Bîr Hiso, Xeseq, Dîkan, Melha û Sêvê û Girê Qereqozaxî zî bi obusan dîyayî bombayan ver.

Herêma Dêr Hafirî de zî asmênî ser o wesayîtê hewayî yê bêmerdimî perrayî.’’