Dezgehê Çimdarîye yê Heqanê Merdiman ê Sûrîye pare kerd ke bi paştdayîşê helîkopteranê Rûsya hêzanê Şamî ver bi herêma Babî ya Helebî sewqîyato pîl o leşkerî kerd.

Goreyê dezgehî tank, fuzeeştox, malzemeyê leşkerî û lojîstîkî ver bi cepheyanê Til Rihal, Digilbaş û Til zoyanî ameyî sewqkerdene û Meydanê Teyarayan ê Leşkerî yê Giwerisî ra ver bi şaristanê Tadefî yê Babî zî sewqîyat yeno kerdene.

Sewqîyato leşkerî  krîzê Îdlîbî ra dima dest pêkerd. Dewleta tirke hewteyanê peyênan de hêzêko pîl sewqê na herême kerd.

Mabênê cepheyê Murat Muxisî yê Îdlîbî de mabênê cerganê Bestrunî yê dewleta tirke î cerhanê Şamî de şer qewimîya û 2 leşkerê Şamî kişîyayî.