Artêşa tirke ya îşxalkere dewanê Girê Sipî, Şehba, Şêrawa û Eyn Îsayî ser o bombayî varnayî.

Saete 23:00 de dewê Meranaz, Malîkîyê, Şiwarxa Kelha Şiwarxa yê Şera yê Efrînî dîyayî bombayan ver. Heman wextî de artêşa îşxalkere hewayî ra dewê Samûqa û Bendava Şehba ya Şeba zî bombarduman kerde. Nêm saete ra dima dewê Ebû Sirî, Dibis û Fatsa yê Eyn Îsayî dîyayî bombayan ver.

Saetanê şewe de artêşa tirke dewanê Eyn Îsa, Girê Sipî, Şêrawa yê Efrînî ser o bombayî varnayî. Şerwananê QSDyî cewabê hêrişan dayî û merkezêkê artêşa tirke rijna. 

Reyna saetanê şewe de dewanê Sifeyan, Xirbet Beger û Korhesenî yê Girê Sipî ser o bombayî ameyî varnayene. Hêriş de cayê sivîlî û noqtayê hêzanê rejîmê Şamî ameyî bombavarnayene. Dima dewanê Birc Qas û Meyase yê qezaya Şêrawa yê Efrînî ser o zî bombayî ameyî varnayene.

Derheqê hêrişan de zanayîşêk nêame vistene destî.